تزوجا رسميًا واللي ينكر كذاب.. شقيقة سعاد حسني ترد على جواب أسرة عبد الحليم حافظ | بث مباشر

علقت شقيقة الفنانة سعاد حسني، على البيان الرسمي الذي أصدرته أسرة الفنان عبد الحليم حافظ، والذي يتعلق بشأن كشف حقيقة زواجه من السندريلا.

أزمة زواج عبد الحليم حافظ وسعاد حسني

وقالت شقيقة الراحلة سعاد حسني، إن السندريلا وعبد الحليم حافظ تزوجا رسميًا وكان بحضور الشهود من الفنانين.

وأضافت: سعاد حسني تزوجت عبد الحليم حافظ بشكل رسمي، مفيش حد يقدر ينكر ده واللي يقول غير كده كذاب، ويكفينا وجود شهود من الفنانين وكل الناس عارفة القصة، وملناش علاقة بأي جوابات أو بيانات.

وفي ذات السياق، أصدرت أسرة الفنان الراحل عبد الحليم حافظ، بيانًا رسميًا للكشف عن حقيقة زواج العندليب من إحدى المشاهير بالمستندات؛ وذلك من أجل الرد على اللغز الذي تساءل عنه الكثير من الجماهير في الفترة الماضية.

ونشر عبد الحليم الشناوي، حفيد شقيقة عبد الحليم حافظ، بيانًا رسميًا عبر صفحته على موقع التواصل الاجتماعي فيس بوك، جاء فيه: عدى على وفاتك يا حليم حوالي نصف قرن والناس لسه بتسأل هل الإشاعة عن جوازك حقيقية ولا لاء؟ يا حليم أنت أعظم واحد غنيت للحب ومن وجهة نظري ده كان بسبب حرمانك منه، من أول حب الأم اللي اتحرمت منه يوم ولادتك لحد الحرمان من حب الزوجة والأبناء، عشان في ناس كتير بتحب تتشهر وخصوصا لما أضواء الشهرة عندها بتقل وتتطفي فيجيبوا سيرتك عشان يرجعوا تاني في دايرة الضوء.

وأضاف: إشاعات كتير طلعت وأنت عايش منها الإشاعات اللي كانت بتقول إنك بتتدعي المرض علشان تنال تعاطف الجمهور وإن نزيفك على المسرح كان كذب، ولما سافرت في آخر رحلة علاج طلعت الإشاعة اللي بتقول إن حليم بيتدعي أنه مسافر لندن للعلاج وهو بيتفسح ويلف العالم، ورجعت بعدها مصر في تابوت وأخرست ألسنة كل اللي كانوا بيقولوا أنك بتمثل وبتتدعي المرض، وإشاعة الجواز اللي طلعت بعد وفاتك بـ 17 سنة من ناس المفروض أنهم كانوا أصدقائك، واستمرت الإشاعة بدون أي مستند أو دليل وكان نفسي ألاقي حاجة تنفيها بدليل قاطع.