شقيقة أمح الدولي تزور قبره في ثاني أيام عيد الأضحى: قلبي محروق عليه واحتسبته عند ربنا | بث مباشر

حرصت شقيقة أمح الدولي، مشجع النادي الأهلي الشهير، على زيارة قبره خلال ثاني أيام عيد الأضحى المبارك، وذلك للدعاء له بالرحمة والمغفرة في تلك الأيام المباركة.

شقيقة أمح الدولي تزور قبره في ثاني أيام عيد الأضحى

وسيطرت حالة كبيرة من الحزن على شقيقة أمح الدولي، حيث ظلت تبكي بشدة عندما روت اللحظات الأخيرة في حياته قبل وفاته.

وقالت شقيقة أمح الدولي: آخر عملية عملها أمح الدكتور قال نسبة نجاحها 99%، قالنا متخافوش هيبقى كويس والعملية مش هتاخد أكتر من ساعتين، أمح دخل العمليات من الساعة 4 لحد الساعة 12 أو 1 منعرفش حاجة عنه، وسمعت ناس بتهمس وبيقولوا أمح جوا في العمليات عنده غيبوبة، هو فعلًا دخل العمليات مخرجش منها وقعد 11 يوم في العناية المركزة، كان في غيبوبة كاملة وصحابه كانوا بينهاروا لما بيجوا يشوفوه.

وأضافت أنها شعرت بصدمة كبيرة فور تلقيها نبأ وفاة شقيقها أمح الدولي، حيث أنها كان لديها أملًا كبيرًا أن يتعافى ويعود لممارسة حياته بشكل طبيعي من جديد.

وتابعت: كانت صدمة كبيرة لما أمح مات وراح مننا.. كان كل أملي إنه يقف على رجله تاني، كان الفاكهة بتاعة البيت بتاعتنا وأنا معنديش أطفال وهو كان طفل كبير، بس خلاص أنا احتسبته عند ربنا.

وأوضحت شقيقة أمح الدولي أنه كان حنين القلب ويحب الجميع دون مقابل، مضيفة: أمح كان حنين أوي وعمره ما زعل حد منه، آخر مرة اتكلم معايا وصاني على أختنا التانية.. وقالي عاوز أتدفن في حضن أمي، أنا قلبي محروق عليه أوي ومش عارفة أنام من ساعة ما مات.