انهيار خطيبة شاب توفي بعد عملية بواسير في المحلة: كان قلبه حاسس إنه هيموت.. وفرحنا كان بعد شهور | بث مباشر

انهارت خطيبة شاب توفي بعد عملية بواسير في المحلة بمحافظة الغربية، قائلةً إن العيادة كانت خاصة وغير مجهزة.

وأضافت خطيبة الشاب المتوفى بعد عملية البواسير في المحلة: الدكتور شرط ياخد فلوس العملية الأول قبل أي حاجة، واللي دخل معاه العمليات شاب صغير منعرفش خريج طب ولا إي.

وأردفت: الدكتور خلّص العملية في ربع ساعة وخرج، وبعد العمليات رفض يخلي محمد في العيادة وقاله روح ارتاح في بيتك.. ومحمد كان خارج من أوضة العمليات هدومة كلها مليانة دم وبينزف.. وإما رجع طول الوقت كان عمال يقولي أنا بنزف ومش قادر أقعد، وظل ينزف 3 أيام.

واستكملت: واحدة كانت رايحة تعمل عملية لابنها في رجله فبسألهم هو دا دكتور إي؟ قالولي دا دكتور كل حاجة، الدكتور بيعمل كل العمليات حتى الولادة.

وانهارت خطيبة الشاب المتوفي بعد إجراء عملية البواسير بالمحلة: كنّا هنكتب كتابنا بعد ما يقوم من العملية وحجزنا القاعة وفرحنا كان في شهر 11.. وكان قلبه حاسس إنه هيموت وبيقولي لو حصلّي حاجة اوعي تنسيني.. أنا عايزة حقه.