والد الصغيرة حور ضحية انهيار عقاري حدائق القبة: دفنت مراتي وولادي في حضن بعض | بث مباشر
سيطرت حالة كبيرة من الحزن والصدمة على والد الطفلة حور أيمن، والتي لقيت مصرعها ووالدتها وشقيقها في حادث انهيار عقارين بمنطقة حدائق القبة، وبالتحديد في شارع الخليج المصري.
انهيار عقارين في حدائق القبة
وقال والد الطفلة حور إنه كان يوجد داخل شقته في أحد العقارين المنهارين، وفوجئ بظهور شروخ على الجدران.
وأضاف والد الطفلة حور: كنت في الشقة وفجأة سمعت صوت وظهرت شروخ على الحيطان، قولت للعيال يلا بينا ننزل بسرعة وفضلت أخبط على الجيران عشان ينزلوا، وفجأة الدنيا كلها اتقلبت في أقل من دقيقة، وكان كل همي في عيالي ومراتي.
وأضاف والد الطفلة حور أن الموقف كان صعبًا للغاية، خاصة أنه ظل بمفرده أسفل أنقاض العقار بعد انهياره لمدة نحو ساعتين، معلقًا: ربنا اداني سكينة وأنا تحت الأنقاض، مستسلمتش والأمل في ربنا مش بينتهي.
وأوضح والد الطفلة حور أنه بعد خروجه من أسفل الأنقاض سأل الجميع عن أبنائه وزوجته من أجل الاطمئنان عليهم، لافتًا إلى أنه تم استخراج ابنته حور وهي على قيد الحياة وتم نقلها إلى المستشفى، إلا أنها فارقت الحياة في اليوم التالي.
واستكمل: لما عرفت إن حور بنتي ماتت قولت خلاص ابني حمزة ومراتي ماتوا زيها، وبالفعل طلعوهم بعد 24 ساعة، أنا مخي ما أدركش اللي أنا فيه إلا بعد ما دفنت مراتي وولادي في حضن بعض، وأنا منمتش من يوم الحادثة لحد دلوقتي، عيني مش قادرة تشوف النوم.
