ضحية حادث الساحل يروي تفاصيل دهسه وابنته عمدًا على يد سائق ملاكي: جه بسرعة كبيرة وطيرنا في الهواء | بث مباشر
كشف ناصر ضحية حادث الساحل تفاصيل تعرضه لحادث دهس عمدًا من أحد سائقي السيارات الملاكي، في منطقة الساحل التابعة لشبرا مصر بمحافظة القاهرة، ما أدى إلى إصابته وابنته بإصابات خطيرة.
وقال ناصر إنه كان يستقل وابنته دراجة نارية، وفي الطريق حدثت مشادة بينه وبين أحد السائقين، وكان خلافًا عاديًا بين السائقين على الطريق، لكنه بعد سيره حوالي 300 متر، أن هذا الشخص يتبعه ويحاول دهسه.
وأوضح ناصر: لقيت بنتي بتقولي إن الشخص دا جاي ورانا بسرعة كبيرة جدا، ولسه مكملتش الكلمة لقيته طيرني أنا وبنتي في الهوا.
ضحية حادث الساحل يروي تفاصيل دهسه وابنته عمدًا
وأكد ناصر: الخلاف كان عادي ومخدتش في بالي إنه ممكن ييجي ورايا ويدهسني عمدًا أنا وبنتي، ومكنتش حاطط خوانه.
وتابع: صوت التصادم كان شديد لدرجة أن المواطنين خرجوا من منازلهم واستغربوا أنهم ما زالوا على قيد الحياة بعد هذا الصدام، مضيفًا: الناس مسكته وبيقولوه ليه عملت كدا قالهم شتمني.
واستكمل: بنتي عندها 28 سنة وربنا سترها معاها، وأنا إيدي الاتنين اتكسروا وعملت أكثر من عملية.. والحمد لله المتهم اتقبض عليه ولكن مشوفتش منه أي تعاطف ولا ندم على اللي عمله.
