فجأة لقيت 3 شباب بيضربوني على دماغي وجسمي.. إصابة شاب في مشاجرة بالدقهلية
قال الشاب عبد الرحمن نصر أبو النجا، وهو من قرية بساط التابعة لمركز طلخا، بمحافظة الدقهلية، إن الواقعة بدأت عندما كانوا يلعبون في ملعب كرة، ومن ثم جاءت مجموعة أخرى من الشباب وبدأوا في عمليات الإحماء بجانب الملعب حتى يلعبوا الكرة أيضًا.
وأضاف الشاب عبد الرحمن نصر: الشباب اللي كانوا بيلعبوا معايا بدأوا يتخانقوا مع بعض وحصل بينهم مشاجرة كلامية وزعقوا مع بعض، وأنا كل ده مادخلتش ما بينهم وكنت واقف ورا بعيد عنهم، وبعد كده جيه واحد ضرب واحد تاني في رجليه، بعد كدا روحت اتكلمت معاه وقولتله هو أحنا هنقعد واحد يجي واحد تاني يتخانق، راح زقني في وشي وقالي مالكش دعوة.
وأكمل نصر حديثه قائلًا: حصلت مشادة كلامية تاني وفجأة لقيت 3 شباب بيضربوني، ومكانش في أيدي حاجة اعملها قلعت التيشيرت اللي كنت لابسه وطلعت أجري بس كنت بشتمهم وأنا خارج، طلعوا ورايا يضربوني بالكراسي والشيشة اللي كانت موجودة في الكافيتريا على دماغي وعلى جسمي.
وأوضح عبد الرحمن، أنه غادر المكان واتصل بشقيقه حتى يستنجد به، ولكن هؤلاء الشباب كانوا يلاحقوه، والتقوا جميعًا معًا، وعندما شاهده شقيقه مُصاب في جميع أنحاء جسده، إنهال على هؤلاء الشباب بالضرب.
وأشار عبد الرحمن نصر إلى أنه توجه إلى نقطة الشرطة ليتقدم ببلاغ ضد هؤلاء الشباب، ومن ثم ذهب إلى مستشفى طلخا وأجرى العديد من الفحوصات والكشوفات، وكتب له الطبيب تقريرًا طبيًا بحالته، وأثبت التقرير إصابته بالعديد من الكدمات في جسده، مع وجود كسر في فقرتين في ظهره.
