خريج كلية تجارة بعد حصوله على الدبلوم: طول ما أنت عاوز تتعلم ربنا هيبعت لك الفرج
قال الشاب عبد المنعم عنتر عبد الله، وهو من قرية ديرب نجم، في محافظة الشرقية، إنه لديه طموح ومشوار كبير في التعليم، على الرغم من أنه لم تحظى له الفرصة بدخول الثانوي العام، ولكنه أكمل تعليمه بمرحلة الثانوي الفني التجاري، ومن هنا بدأت مرحلة كفاحه.
وأوضح الشاب عبد المنعم عنتر: إحنا عندنا في ديرب نجم المدرسة الثانوي التجاري قدامها مدرسة الثانوي العام، ومن هنا بدأت المقارنة وبدأت أحس بفرق ما بيني وبينهم، على الرغم من أني طالب وإنسان زيهم عادي.
وأضاف: وبدأت أفكر أنا ليه مش زي الطالب اللي في ثانوية عامة، مع إن هو والده بيصرف عليه كثير وأنا والدي مش بيصرف عليا، وبعدين قولت ما أنا ممكن أبقى زيه عادي واخش كلية كمان.
كما تابع عبد المنعم حديثه قائلًا: بدأت أشد حيلي واذاكر كويس، ولما خلصت امتحانات لقيتني جايب 74%، وطبعًا ده مش مجموع كويس والكلية اللي عاوزها مجموعها أعلى، بس طول ما أنت عاوز تتعلم ربنا هيبعت لك الفرج مش هيتأخر عليك، بعد كده لقيت معادلة في كلية التجارة جامعة القاهرة، عملتها وبقيت طالب في كلية التجارة جامعة الزقازيق، والناس بقت شايفاني مثل أعلى للشباب، بعد ما كنت طالب دبلوم بقيت طالب في الجامعة.
فيما أشار الشاب عبد المنعم، إلى إنه نجح في السنة الدراسية الأولى له في كلية التجارة بتقدير امتياز، وفي السنة الدراسية الثانية حصل على تقدير امتياز مع مرتبة الشرف.
وأختتم حديثه قائلًا: مهما كانت الظروف هتمنعك، أوعى تخلي ظرف واحد يأثر على حلمك وكمل طريقك.
