نجل المواطن المذبوح بالإسماعيلية: كنت بلعب واصحابي قالولي أبوك مات

قال الطفل ابن المواطن المذبوح بمحافظة الإسماعيلية، والذي يبلغ من العمر 14 عامًا: أنا كنت بلعب لقيت صحابي بيقولولي أبوك مات، وأبويا كان غلبان وقاعد في حاله مبيعملش حاجة.

كما شهدت منطقة البلابسة، بالإسماعيلية، اليوم الأثنين، جريمة قتل هزت الرأي العام بأكمله، حيث أقبل شاب على ذبح مواطن جاره، يُدعى أحمد، ويبلغ من العمر 51 عامًا، وقطع القاتل رأس المجني عليه وتجول بيها في الشوارع وسط المواطنين، الذين أُصيبوا بحالة من الذعر والدهشة فور مشاهدتهم لهذا المنظر.

وأضافت إحدى جيران المجني عليه: أحنا طالبين الإعدام السريع، عشان هو كان غلبان ومحترم وكويس، ويتعدم في ميدان عام والناس كلها تشوفه زي ما الناس أحمد وهو مقتول.

كما أوضحت زوجة شقيق المجني عليه: بشهادة الناس والجيران أهو هو كان غلبان ومالوش في أي حاجة، وبيجي يقعد يفتح المحل بتاعه، ويوم الجمعة بيلم الكراكيب اللي معاه ويروح يبيعها في سوق الجمعة أو جنب مدرسة السادات.

وتابعت حديثها قائلة: هو كان رايح يجيب عيش لعياله الصبح يروح يمسكه واحد كده ويدبحه قدام الناس، والقانون هيجيبلنا حقنا بس أحنا عاوزينه يتعدم في ميدان عام، وعيال أحمد الـ 7 أتيتموا خلاص ومراته غلبانة.