بعد انتشار إصابات إنفلونزا الطيور بالفيوم.. طبيبة بيطرية توضح طرق الوقاية منها
ظهرت عدة حالات إصابة بأنفلونزا الطيور في مناطق مختلفة بمحافظة الفيوم، وقالت الدكتورة صفاء إبراهيم الطبيبة البيطرية بمدرية الصحة بالفيوم: مرض إنفلونزا الطيور موجود من سنيين، بس الحالات اللي ظهرت دي كانت نتيجة للتعامل المباشر، مع الطيور وده غلط خاصة في فترة الهجرة للطيور.
وأوضحت الدكتور صفاء إبراهيم في حديثها عن كيفية انتقال المرض، قائلة: المرض ينتقل نتيجة التعامل المباشر مع الطيور من غير أي مسكات ولا كمامات، خاصة في المزارع الكبيرة، فينتقل المرض للشخص بالشكل ده، وطبعا مع الاختلاط بالأفراد تسبب سرعة انتشار المرض.
وعن طريقة اكتشاف الطيور المصابة بالمرض قالت الدكتور البيطرية: دلوقتي أصبح صعب اكتشاف المرض؛ فهو منتشرًا من سنيين فبنلاقي طيور مش ظاهر عليها أي أعراض ولما نسحب عينة ونحللها، نلاقي العينة إيجابية وده نتيجة تطبع المناعة للطيور وخاصة في البط.
ووجهت الدكتورة نصائحها لمربي الدواجن وأصحاب المزارع قائلة: ياريت الناس اللي عندها مزارع تعرف مصدر التغذية اللي بيشتروا منها أعلاف الطيور مع غسيل الأواني اللي بيتحط فيها الأكل جيدًا، لإن ده ممكن يكون مصدرًا أساسيًا لانتشار العدوى.
