بعد إزالة محلها.. تاجرة مخدرات تائبة تستغيث بمحافظ الدقهلية: عايزة اكل بالحلال
استغاثت نجلاء عبدالفضيل، تاجرة المخدرات التائبة، بالمسؤولين لتوفير شقة سكنية لأسرتها، بعد أن فقدت منزلها، وفقا لقرار إزالة مفاجئ بعد خروجها من السجن.
وقالت نجلاء في حديثها: أنا كنت بتاجر في المخدرات ودخلت السجن وقضيت مدة الحبس بتاعتي وخرجت لقيت أمي رجلها متقطعين وعاجزة.
وأضافت نجلاء في حديثها: مرضتش أرجع لتجارة المخدرات وقولت الحلال مفيش أحسن منه وفضلت أشحت أنا وأمي وتاجرنا في الفاكهة، بعد كده جالنا قرار إزالة للكشك اللي عايشين فيه وجات الحكومة هدّتوا.
ووجهت نجلاء استغاثتها إلى المسؤولين، قائلة: أنا عايزة أي مكان أعيش فيه بدل الرمية في الشارع ومعايا بنات كبيرة والناس بتبصلنا بصات وحشة.
والجدير بالذكر، أن نجلاء تقيم بإحدى القرى التابعة لمركز طلخا، في محافظة الدقهلية.
