مصرع شاب منع سرقة بالإكراه في الدقهلية.. ووالدته: ابني راح مني | فيديو
لقي الشاب أحمد نجاح راشد مصرعه في منطقة الجمالية التي تقع في محافظة الدقهلية؛ وذلك عندما أطلق عليه مجموعة من اللصوص طلقات نارية، أثناء محاولته اللاحق بهم؛ لاسترداد دراجة نارية أقبلوا على سرقتها من مواطن في الشارع.
تفاصيل الواقعة
وقال أحد أصدقاء أحمد نجاح راشد إن الشاب أحمد كان موجودا في الشارع ويتسامر مع مجموعة من أصدقائه، وفجأة سمعوا أصوات الطلقات النارية، وتوجهوا إلى المكان الذي يصدر منه هذا الصوت، فوجدوا مواطنا ملقى على الأرض ويقول: الحقوني سرقوني وخدوا الموتوسيكل بتاعي ومشيوا من الطريق ده.
وتابع: طلعوا يجروا وراهم على الطريق اللي هما جريوا عليه وقابلوهم من الطريق اللي عارفين إن هما هيطلعوا منهم، وفعلًا أحمد وصحابه قابلوا الحرامية وزنقوهم ومكناش قدامهم مفر عشان يهربوا، فضربوا أحمد وصحابه بالنار، وبعد ما أحمد اتصاب راح مستشفى الجمالية ومن هناك اتحول على الطوارئ ومات تاني يوم.
حديث والدة الشاب الضحية
بينما أوضحت والدة الشاب أحمد نجاح راشد قائلة: خبره جالي وكان صعب عليا أوي، وكان حنين عليا أوي، ابني راح مني وكان حاجة كبيرة أوي في حياتي، وعاوزة اللي قتل ابني يتقتل زي ما قتل ابني يمكن ده يبرد ناري شوية.
