مواطن يتهم سيدة بعمل سحر أسود له بسبب 10 آلاف جنيه: بشوف العفاريت بعنيا وأولادي بيعيطوا عليا | بث مباشر

استغاث تامر، أحد سكان منطقة الوراق، ويعمل في تجارة وتصليح الكاوتش، من السيدة مالكة الورشة التي كان يستأجرها منها، حيث يدعي أنها دبرت لأذيته من خلال الأعمال السفلية.

وقال السيد تامر: أنا كنت مؤجر منها محل الحاج عصام جوزها، لمدة 5 سنوات، وكنت ملتزم معها وبدفع إيجار المحل كل شهر 3 آلاف جنيه، وهي كانت تدفع من التأمينات كل شهر، لحد ما هي قررت تأخذ المحل قبل انتهاء مدة العقد بـ 6 شهور، وكان المفروض تدفع شرط جزائي 20 ألف جنيه، لكني مرضتش أرفع عليها قضية وأطالب بيهم، إكرامًا لزوجها المتوفي.

واستكمل حديثه قائلًا: جاءت في 2016، طلبت مني أدفع 10 آلاف جنيه تأمينات، وأنا مارضتش، لأني مسّلم المحل معليهوش فلوس، وسألنا في التأمينات قالوا إن أما ماليش أدفع فلوس، وكمان سألنا معلمين كبار قالوا إني مدفعش.

بداية الأذى بالأعمال السفلية

وعن تفاصيل صنع السيدة له الأعمال السفلية، قال: في يوم ابنها جالي المحل عشان نروح المعاشات عشان نسأل تاني، وراح دخل الورشة بتاعتي، وطلع إزازة من جيبه، ورشها على المكتب بتاعي، وكان بيصور فيديو عشان يأكد لوالدته أنه بينفذ مهمتها، والكاميرات صورته وهو بيعمل كده.

وأشار تامر، إلى أنه منذ وقت سكب نجل السيدة محتوى الزجاجة على مكتبه، بدأت الخسائر والأمراض تلاحقه، وقال: الصنايعية بقوا بيمشوا من عندي من غير سبب بيقولولي اتخنقنا ومش عايزين باقي الفلوس، وحتى الزباين بيقولولي لما بندخل المحل بنتخنق، والمحل بقى يفتح يوم ويتقفل شهر، رغم أنه خدمة عامة يعني المفروض مايتقفلش خالص وشغال 24 ساعة.

أما عن حياته الشخصية، قال تامر باكيًا: أنا جالي أمراض غريبة، وأولادي الـ 5 كانوا بيعيطوا عليا، وبيتي بقى بيحصل فيه حاجات غريبة وكنت بشوف العفاريت بعنيا.

واختتم حديثه مستعجبًا: القانون بيقول مافيش محضر أعمال، المفروض هي أذتني، أنا أعمل معها إيه طيب؟!