الجمعة 29 مارس 2024
المشرف العام
محمود المملوك
رئيس التحرير
مروان قراعة
المشرف العام
محمود المملوك
رئيس التحرير
مروان قراعة

مسن يعمل في صناعة الأقفاص بالمنوفية: يدوب بتكفي مصاريفنا.. والبلاستيك بوظ شغلنا | فيديو

تحدث الحاج علي أحمد محمد أبو عيسى من قرية سمادون التابعة إلى مركز أشمون في محافظة المنوفية، عن عمله في صناعة الأقفاص، حيث قال إنه يعمل في مهنة صناعة الأقفاص من الغاب منذ أن كان عمره 7 سنوات.

وأشار أبو عيسى إلى أنه يشتري البوص من مختلف المحافظات والأماكن مثل الإسكندرية ودمنهور حتى يستعمله في صناعة الأقفاص، معلقًا: أهي أي سبوبة ناكل منها لقمة عيش.

تأثير ظهور البلاستيك على صناعة الأقفاص

وأضاف الحاج علي أحمد محمد أن ظهور البلاستيك تسبب في اختفاء مهنة صناعة الأقفاص من الغاب، وأن صناعته اليدوية تعتبر أفضل من صناعة الأقفاص عن طريق البلاستيك؛ لأن البلاستيك يعتبر من المواد غير الصحية وله العديد من الأضرار على صحة الإنسان.

وتابع: إحنا بنعمل الأقفاص عشان تدي تهوية للعيش وأي مكونات للأكل، يعني هي بتبقى أحسن في حفظ الأكل من البلاستيك طبعًا؛ لأنه بيدي ريحة مش كويسة ومش صحي كمان، ولو كان البلاستيك منزلش في مصر خالص كنا أكلنا عيش كويس لأنه بوظ علينا الدنيا، وخلى كل الصنايعية مضروبين في شغلهم.

وأوضح الحاج علي أحمد محمد أبو عيسى أن مهنة صناعة الأقفاص تعتبر من المهن المتعبة والصعبة إلى حد ما، مضيفًا: هي شغلانة أحسن من القاعدة وأحسن ما نمد إيدينا للناس، وشغلانة حلوة مش وحشة بس محتاجين حاجة نطورها، لأن ملهاش أي عدة وبنشتغل كل حاجة فيها يدوي، وبنشتغلها أبًا عن جدًا عشان بنتوارثها، بس هي يدوبك بتجيب على قد مصاريفنا.