أشرف صبحي يدعم لاعبي المنتخب: مش هنسيب حقنا وهنقف تاني ونبقى أقوى | فيديو

حرص الدكتور أشرف صبحي، وزير الشباب والرياضة، على مساندة لاعبي منتخب مصر، وذلك عقب خسارتهم أمام منتخب السنغال في المباراة التي جمعتهما في نهائي بطولة كأس الأمم الإفريقية.

حديث الدكتور أشرف صبحي لـ لاعبي المنتخب

وقال الدكتور أشرف صبحي لـ لاعبي منتخب مصر: كل مصر بتحترمكوا وأنا كمان، وكل اللي احنا وعدنا بيه هيكون موجود، ونعتبرها بطولة وخلصت لأن احنا عندنا بطولات تانية، واعتقد إن احنا عندنا ماتشين ومش هنسيب حقنا، وإن شاء الله هنبقى أقوى.

كما تابع: احنا من البداية كنا بنقول أننا عاوزين نوصل لأعلى حاجة، وعملنا 3 نهائي من أول كوت ديفوار وبعدين المغرب وبعدها ماتش السنغال، ومافيش فريق عمل نفس الأداء اللي حصل ده، لكن إن شاء الله احنا عندنا كأس العالم وأنا واثق فيكوا وكلنا واثقين فيكوا عشان عندنا فريق نفتخر ونعتز بيه، وهنضايق وهنزعل ومش هنقول معلش طبيعي نبقى زعلانين بس هنقف تاني ونبقى أفضل وأقوى.

فوز منتخب السنغال على مصر

جدير بالذكر أن مباراة منتخب مصر ونظيره السنغالي في نهائي بطولة كأس الأمم الإفريقية انتهت بفوز الأخير بنتيجة 4-2 عن طريق ركلات الترجيح، والتي تم اللجوء إليها بعد أن انتهاء الوقت الأصلي والشوطين الإضافيين من المباراة بالتعادل السلبي بين الفريقين.

كما استطاع منتخب السنغال أن يحقق الفوز على منتخب مصر ويحصد اللقب الأول من بطولة كأس الأمم الإفريقية في تاريخه.