الإثنين 17 يونيو 2024
المشرف العام
محمود المملوك
رئيس التحرير
مروان قراعة
المشرف العام
محمود المملوك
رئيس التحرير
مروان قراعة

مالناش في الكلام الفاضي ده.. مواطنو المنوفية يبدون رأيهم في الاحتفال بـ عيد الحب | فيديو

يتوافق اليوم الإثنين 14 من فبراير الجاري، ذكرى الاحتفال بـ عيد الحب العالمي، والذي يحرص العديد من الأشخاص حول العالم على الاحتفال به؛ وذلك باعتباره فرصة لا تعوض من أجل الاعتراف والتعبير عن الحب، لكن هناك أيضًا بعض الأشخاص الذين لا يحتفلون بـ عيد الحب لأنهم لا يؤمنوا به.

آراء المواطنين في محافظة المنوفية عن عيد الحب

واختفلت آراء المواطنين في محافظة المنوفية حول عيد الحب واحتفالهم به، حيث قال أحد الشباب: مجبتش هدية عيد الحب والصراحة أنا ماليش في الكلام ده ومش مرتبط، وكمان أنا شايف إن عيد الحب حرام أساسًا، يعني مستحيل أرتبط أو أجيب هدايا إلا بطريقة شرعية.

كما أضاف أحد الشباب في محافظة المنوفية: الصراحة مجبتش هدية عيد الحب عشان مافيش حد في حياتي، ولو كنت مرتبط كان ممكن أجيب هدية، وأنا شايف إنه مجرد عيد للحب عادي مش حرام زي ما الناس بتقول لأن الحب مش حرام.

وعبر أحد المواطنين في محافظة المنوفية عن رأيه في عيد الحب وهداياه فقال: أنا مجبتش هدية في عيد الحب لأني شايف إن الحب مالوش يوم معين نحتفل بيه والمشاعر دي موجودة معانا وبتتجدد طول السنة زي عيد الأم مثلًا، لأن المفروض إننا نعتني بالأم طول السنة مش يوم واحد بس في السنة.

وأوضح أحد الشباب في محافظة المنوفية عن رأيه في عيد الحب قائلًا: أنا ماليش في الكلام ده وبعدين أنا مش مرتبط أصلًا عشان أجيب هدية لحد، وأنا شايف إن عيد الحب ده مجرد كلام فاضي، بينما أضاف آخر: إحنا مالناش في الكلام ده والشغل بتاع مامي وبابي خالص، وأنا أصلًا مش مرتبط ولا عاوز أرتبط.