كوافيرة عروس الإسماعيلية: العريس جرجرها على السلم وقال اللي هيقرب هقتلها | فيديو

سادت حالة من الجدل والغضب بين رواد مواقع التواصل الاجتماعي خلال الساعات القليلة الماضية، وذلك بعد تداول مقطع فيديو لـ عريس يسحل ويضرب عروسته في أحد شوارع محافظة الإسماعيلية، يوم حفل زفافهما وسط سكوت تام من أهل العروس على ما تعرضت له ابنتهما.

تفاصيل واقعة سحل عروس الإسماعيلية

وقالت مصففة شعر عروس الإسماعيلية التي تدعى رودي: العريس دخل على العروسة في الكوافير وضربها على قفاها وكمان ضربها بالموبيل بتاعه أكتر من مرة كده في ضهرها لدرجة إنها كانت هتقع من على الكرسي، وهي معملتش أي حاجة ولا طلع منها صوت حتى وكل اللي قالته حاضر.

كما أضافت مصففة شعر عروس الإسماعيلية، أنها لاحظت أن العريس يتشاجر مع شقيقة العروس بصوت عالٍ ووجه لها عدة شتائم وألفاظ خارجة، فقالت: لقيته بيزعق مع أختها وقالها خشوا هاتوها من جوا بدل ما أخش أنا وأعمل مشاكل، وصوته كان عالي أوي فـ قولت للعروسة تطلع، وهي يدوبك طلعت وقفلنا الباب وراها وإحنا سامعين صوت صويت لحد ما نزلت تحت، وعرفت من البنات اللي تحت إنه كان بيجرجها على السلم.

وأشارت إلى أنها شاهدت العريس وهو يضرب العروس في الشارع، حيث أنه ظل يدفعها بقوة داخل السيارة، وذلك وسط حالة من الانهيار من العروس، فقالت: العروسة كانت عمالة تصوت وتقول حسبي الله ونعم الوكيل ووقعت في الأرض وجالها حالة هيستيرية، وكل اللي واقفين في الشارع كانوا بيتفرجوا ماحدش عملها أي حاجة والعريس فضل يقول اللي هيقرب هقتلها.