بعد رفضها دعم الرجال.. محمود ياسين جونيور يرد على رضوى الشربيني: كفاية خلق حروب وهمية| فيديو
رد محمود ياسين جونيور عبر حسابه الرسمي على موقع التغريدات القصيرة تويتر، على الإعلامية رضوى الشربيني بعدما رفضت دعم الرجال.
محمود ياسين جونير يعلق على تصريحات رضوى الشربيني
وأكد محمود ياسين جونيور، أنه كرجل من الممكن أن يدافع عن أي سيدة إذا كانت لديها الحق في شئ، قائلا: أنا كراجل عادي هدافع عن أي ست لو ليها حق في أي حاجة.. هل ده معناه إني مش راجل؟
وأضاف: هو إحنا مش أعداء الراجل ده جوزك وأبوكي وابنك مش بني جنس آخر، كفاية ترويج لمعتقدات خاطئة وخلق حروب وهمية، إيه موضوع بني جنسي ده؟.. هي حرب؟
وكانت الإعلامية رضوى الشربيني ردت على أحد متابعيها في بث مباشر عبر حسابها بموقع فيس بوك، طالبها بدعم الرجال بمناسبة شهر رمضان، لترد رضوى عليه قائلة: وأنا أدافع عنكوا ليه شايفني نواة ديناصور؟ أنا واحدة بدافع عن بني جنسي، المختل بس هو اللي يدافع عن الجنس الآخر.
وأكملت: هو أنا راجل علشان أدافع عنكم؟ اللي يدافع عن الرجالة يبقى راجل زيكم.
وفي وقت سابق، أثارت رضوى الشربيني الجدل بتعليقها على سجود زوجة حسن شاكوش خلال زفافهما، حيث لفتت إلى إن ما فعلته العروس تعبيرا عن فرحتها وشعورها، قائلة: صحيح هي حركة أوفر جدا، وإحنا آخر حاجة كنا بنشوفها إن الرجالة هي اللي بتسجد بعد ما تجيب أجوان في ماتشات الكورة.
وواصلت: إحنا أخرنا شوفنا إن العرايس لما تبقى فرحانة أوي وسعيدة، تبوس إيد جوزها أو رأسه أو كتفه أو تحضنه، لكن واحدة ست تسجد في فرح شكر لربنا قدام الناس مشوفناش الكلام ده قبل كده.
