شلت فوق طاقتي كتير.. إصابة البلوجر نديم بهاء بالتأتأة بسبب الضغوط النفسية | فيديو
نشر البلوجر الشهير نديم بهاء مقطع فيديو له وهو يتلعثم ويتحدث بصعوبة بالغة بسبب الضغط النفسي، وحاول أن يقدم نصائح لجمهوره لكي لا يتعرضوا لمثل ما حدث معه.
بلوجر شهير يصاب باضطراب في الكلام بسبب الضغوطات النفسية
ووجه البلوجر نديم بهاء رسالة صادمة إلى متابعيه عبر السوشيال ميديا بعد إصابته باضطراب في الكلام، حيث قال: أنا عارف إن الكلام تقيل شوية معايا.. بس أنا جاي أقولك بلاش تخلي الضغط النفسي يحطك في حاجات مش كويسة.. أنا اكتشفت إن 90% من الناس اللي بيجيلها أمراض وحشة بيكون بسبب الضغط النفسي.
وتابع: ممكن توصل لمرحلة نفسية صعبة تخليك مش قادر تمشي ومش عارف تتكلم مع أن أنت عضويا معندكش حاجة بنسبة 100%.. خلي بالك من صحتك ومتشيلش نفسك ومتسمعش كلام الناس وتشيل نفسك فوق طاقتك متعملش كدة خالص.. أنت ليك ليمت معين متعديهوش.. لا يكلف الله نفسا إلا وسعها عشان متبقاش زيي.
وتصدر مقطع الفيديو التريند عبر السوشيال ميديا وتفاعل معه العديد من المتابعين بتعليقات حزينة وأخرى داعمة.
وفي السياق ذاته، رد البلوجر نديم بهاء على تعليقات المشككين في حالته، وكتب: أنا منزل الفيديو وعارف أن بعض الناس ممكن تشكك في كلامي أو تفتكرني بمثل.. يا جماعة أنا متكلمتش عن نفسي في الفيديو نهائي.. أنا بقولك خلي بالك على صحتك.. الناس القريبة مني عارفة أن الموضوع ده مش أول مرة يحصلي.
