سائق اللودر المتهم بدهس مهندس التجمع أمام جهات التحقيق: عايز يمشيني من الموقع | بث مباشر

كشف المتهم بقتل مهندس يدعى فايد، دهسا بلودر داخل موقع تحت الإنشاء بالعمل بمنطقة التجمع، كيفية ارتكابه للجريمة أمام جهات التحقيق، والتي حدثت منذ عدة أشهر ماضية، مؤكدا أنه أقبل على جريمته متأثرا بما علمه عن المجني عليه بأنه يقوم بأعمال سفلية.

التحقيق مع المتهم بدهس مهندس التجمع

واعترف المتهم بدهس مهندس التجمع أمام جهات التحقيق، قائلا: من صغرى وأنا بيتعملى أعمال سفلية ومش عارف أخلص منها لحد دلوقتي ولما رحت الموقع من 10 أو 11 يوم شوفت المهندس فادى، وکنت بحاول أتجنبه وامبارح عرفت أنه بتاع أعمال سفلية.

وتابع المتهم أقواله أمام جهات التحقيق: أنا كنت شغال باللورد في الموقع ولقيت ممدوح قاعد مع المهندس فادي قدام العمارة اللي شغال فيها المهندس فادي، وحسيت إنهما بيبصولي وأن المهندس فادي بيتكلم عليا وعايز يمشينني فاستنيت الأستاذ ممدوح يمشي من المكان، وأول ما لقيت المهندس فادى ماشي قدام العمارة اللي جنب العمارة اللى هو شغال فيها لوحده رحت رايح عليه باللودر وخبطته بسقف سكينة اللودر في صدره من ناحية اليمين فوقع على ظهره.

وأضاف المتهم: وبعد كده عدلت سكينت اللودر ورفعتها لفوق وخليت السكينة مقلوبة، ونزلت عليه بشفرة السكينة وهي مقلوبة في صدره ورفعتها ونزلت بيها تانی، وبعد كده لقيت واحد بيجرى عليا وبيزعق، وقفت عشان كان خلاص نزل من رأسه دم كثير ومن ودانه، فأنا تأكدت أن هو توفى فأنا فضلت واقف فوق اللودر، وبعد كده الناس نزلتي ودخلونى جوه العمارة لحد ما الأمن جه وفضل يستجوبني، وقالی خبطته قولتله اه خبطته قالى عن قصد قولتله اه، ولما سألنى ليه قولتله أنا حسيت أن هو عايز يمشينى من الموقع أو يموتني.