مسنة تساعد زوجها في نقل الخضار بأسواق الجيزة: لازم الست تساعد جوزها.. ونفسي في عمرة |بث مباشر

تكافح الحاجة أم حامد إلى جانب زوجها المسن، حيث تنقل الخضار له داخل أسواق محافظة الجيزة.

وقالت الحاجة أم حامد إنها تعمل منذ 35 عاما، وبدأت العمل والنزول مع زوجها بعد سوء حالته الصحية، مضيفة: لقيته تعبان وكل ما كان يطلع علشان يشتغل بصرّ عليه إني أطلع معاه، علشان أساعده في جمع الخضار ونقله.

وقالت أم حامد إنها تبلغ من العمر أكثر من 60 عاما، وإن يومهما يبدأ بصلاة الفجر، مضيفة: أنا واخدة على الحركة ولو قعدت في البيت أتعب، وأمنيتي إني أعمل عمرة قبل ما أموت.

وناشدت أم حامد السيدات أن يكافحن بجانب أزواجهن، مضيفة أنها كانت تعمل في تنظيف المنازل قبل عملها في الخضار، وذلك من أجل المساعدة في زواج أبنائها، مضيفة: لسه عندي ابني عايز يتزوج وهو بيشتغل لكنه يدوب الشغل مكفيه، وعنده 38 سنة ومش عارف يتزوج.

وأشارت أم حامد إلى أنها تكافح بجانب زوجها من أجل زواج نجلهما، قائلة: لازم ننزل كل يوم الصبح علشان نشتغل علشان لقمة العيش ونقدر نزوج ابننا.. وزوجي عمره ما زعلني وحتى لو زعلني بستحمله، وإحنا بقالنا سنين طويلة مع بعض.

ووجهت أم حامد رسالة للسيدات: لازم تستحملوا بعض وتراعوا العيش والملح، والست لو لقت زوجها بيمر بظروف صعبة لازم تستحمله.