البلوجر آية الزيني تتهم طبيب طوارئ بالتعدي عليها: حط إيده على التاتو في مكان حساس | بث مباشر

وجهت البلوجر آية الزيني، اتهامًا إلى طبيب يعمل نائب طوارئ في مستشفى 6 أكتوبر الجامعي، بأنه تعدى عليها ولامس أجزاء حساسة من جسدها، حيث إنها توجهت إلى هناك في تمام الساعة الخامسة والنصف فجرًا، رفقة صديق لها بسبب شعورها بآلام شديدة في بطنها.

البلوجر آية الزيني تتهم طبيب طوارئ بالتعدي عليها

وادعت البلوجر أنها فور وصولها إلى المستشفى دخلت إلى قسم الطوارئ رفقة صديقها، وهناك كان يوجد الطبيب المتهم الذي شرحت له الآلام التي تعاني منها، وبعد ذلك طلب من صديقها أن ينتظرها في الخارج حتى ينتهي من الكشف عليها وفحصها.

وزعمت البلوجر آية الزيني أنها استقلت على السرير حتى يجري الطبيب المتهم الكشف عليها، ولكنه في أثناء الكشف لامس أجزاء حساسة من جسدها.

وقالت آية الزيني أمام جهات التحقيق: الدكتور قالي نامي على السرير فنمت على السرير.. وكان لسه فاتح الستارة اللي حوالين السرير وصاحبي كان واقف.. بعدها لقيت الدكتور بيقوله مش هينفع تقف هنا واستنى برا.

وتابعت: صاحبي رد عليه وقاله ليه فقاله إنه عايز يسألني أسئلة معينة مينفعش يسمعها.. وبعدين لاقيت الدكتور بيسألني عنه إذا كان خطيبي أو جوزي فقولتله لأ هو مش جوزي ولا خطيبي.. وبعدها صاحبي طلع برا قدام باب الطوارئ والدكتور قفل علينا الستارة بتاعة السرير.

وأضافت البلوجر آية الزيني: الدكتور بدأ يكشف بإيده على بطني من فوق التيشرت.. وبعدين سألني إن ممكن الألم ده يبقى من الزايدة فـ قولتله إني عاملة الزايدة من كذا سنة.. وبعدها قالي وريني كده ورفع التيشرت لحد فوق معدتي وكانت بطني بس اللي باينة.

واستكملت: الدكتور شاف التاتو اللي أنا عملاه مكان عملية الزايدة وبدأ يضغط على منطقة التاتو وحاول يحسر ملابسي.. فقولتله استنى انت بتعمل إيه الخياطة آخرها هنا ملكش دعوة بالتاتو.