زوجان يعملان على عربة سندوتشات في بورسعيد: بنقف جنب بعض على الحلوة والمرة | بث مباشر

قصة كفاح أبطالها زوجان يعملان على عربة سندوتشات في شارع محمد علي بمحافظة بورسعيد، إذ اتخذا هذه الخطوة معًا من أجل توفير مصدر رزق حلال لهما، يتمكنا خلاله من الإنفاق على أبنائهما لتأمين حياتهما المستقبلية.

قصة كفاح زوجين في بورسعيد

وقالت الزوجة مي، التي تبلغ من العمر 31 عامًا، إنها قررت مع زوجها تأسيس هذا المشروع، نظرًا إلى خبراته التي يمتلكها نتيجة عمله في أكثر من سوبر ماركت خلال السنوات الماضية.

وأردفت: جوزي محمد كان شغال في أكتر من ماركت قبل كده وما شاء الله هو كويس جدًا في خلطات الجبنة.. وعشان كده قولنا نفتح مشروع لوحدنا ونبقى مستقلين بنفسنا أكتر.. وفي الأول أجرنا ميني ماركت بس الظروف مكنتش كويسة معانا وقفلنا.

وأضافت الزوجة مي أنها اقترحت على زوجها فكرة تأسيس مشروع لبيع سندوتشات الجبنة نظرًا لخبرته في هذا المجال، قائلة: بدأنا المشروع بوقوفنا على ترابيزة في الشارع عشان مكنش معانا إمكانيات كتيرة.. لحد ما فيه حد نعرفه هدانا عربية وبقينا نقف نبيع بيها.

ومن جهته، قال الزوج محمد إنه كان يفكر منذ فترة طويلة في الاتجاه للعمل الحر من خلال تأسيس مشروع خاص به، معلقًا: فتحنا ميني ماركت وخسرنا فيه جامد.. وبعدين مراتي اقترحت عليا مشروع بيع السندوتشات ده لإنه مميز في خلطات الجبنة.

وأشار إلى أنه بالفعل وافق على اقتراح زوجته، وأسسا مشروعهما لبيع سندوتشات الجبن في شوارع محافظة بورسعيد، مضيفًا: ربنا عوضني عن الخساير اللي تحملتها بالمشروع ده.. وبعد توفيق ربنا مراتي هي اللي وقفت معايا وبنسند بعض في الحلوة والمرة.