كانت بتعتبرها أختها وبتديها هدومها.. خالة طالبة طنطا ضحية صديقتها: غدرت بيها عشان بتغير منها | بث مباشر

تنظر محكمة جنايات طنطا في محافظة الغربية، اليوم الإثنين 18 ديسمبر 2023، جلسة محاكمة المتهمة بإنهاء حياة المجني عليها فرح محمد، والمعروفة إعلاميًا بـ طالبة طنطا ضحية صديقتها بالاشتراك مع شاب.

محاكمة المتهمة بإنهاء حياة صديقتها بطنطا

وقالت خالة طالبة طنطا الضحية، إنها تطالب بتوقيع أقصى عقوبة على المتهمة بإنهاء حياة نجلة شقيقتها، والتي كانت تعتبر من أقرب صديقاتها.

وأردفت: حرقوا فرح وبهدلوها عشان كده أنا بطالب بتوقيع أقصى عقوبة عليهم.. حسبي الله ونعم الوكيل في المتهمة واللي كان معاها على اللي عملوه في فرح.. إحنا خلاص قلبنا اتحرق على اللي حصلها.

وأضافت خالة طالبة طنطا، أن المتهمة في اعترافاتها اليوم تحاول أن تبرر موقفها من ارتكابها لهذه الجريمة المأساوية، معلقة: المتهمة بتكدب عشان تبرر موقفها من الجريمة.. دي خلصت على فرح وولعت فيها وقطعتها هي والشاب اللي كان معاها.. وكانوا بيحاولوا يخفوا ملامحها تمامًا.

وتابعت: فرح كانت مآمنة للمتهمة عشان كانت صاحبتها وعشرة عمرها.. وفي الآخر غدرت بيها يعني الغدر جالنا من أقرب الناس.. وعمري ما كنت أتوقع إنها تعمل فيها كده عشان فرح كانت بتعتبرها إنها أختها.. لدرجة إنها كانت بتديها هدومها وهي كانت غيرانة منها.

كما أشارت خالة طالبة طنطا إلى أنها نصحت الضحية من قبل أن تبتعد عن صديقتها المتهمة، لأنها لم تكن راضية عن سلوكها، إلا أنها رفضت وأخبرتها بأنها تحبها ولا تستطيع أن تفترق عنها، مختتمة: قلت لـ فرح ابعدي عنها قالتلي لأ أنا معنديش إخوات وبعتبرها أختي وحببتي.