شقيقة تاجر المواشي ضحية شريكه بالمنوفية: كان بيعتبره زي ابنه وفاتحله بيته وفي الآخر موته | بث مباشر
سيطرت حالة كبيرة من الحزن على شقيقة تاجر المواشي الذي لقي مصرعه على يد شريكه في قرية البندارية التابعة إلى مركز تلا في محافظة المنوفية، حيث أنهى حياته وألقى جثمانه داخل ترعة لإخفاء آثار جريمته المأساوية التي ارتكبها في حق المجني عليه.
مصرع تاجر مواشي على يد شريكه بالمنوفية
وقالت شقيقة تاجر المواشي الضحية: شريك أخويا طمع فيه عشان مكنش له عيال ومبيخلفش.. وأخويا كان دايمًا بيقولي عليه ده ابني اللي مجاش وياما عمله كتير وكان بيأكله عيش وفاتحله بيته يبقى آخرتها يعمل فيه كده!
وأضافت أن شقيقها الضحية تغيب عن المنزل في اليوم الذي توجه فيه إلى منزل شريكه، حيث ظلوا يبحثون عنه من يوم 1 يناير 2024 ولمدة 5 أيام متتالية، حتى اكتشفوا أنه لقي مصرعه على يد شريكه.
وأوضحت شقيقة تاجر المواشي الضحية، أن شريك شقيقها أنهى حياته داخل منزله في دائرة مركز تلا بالمنوفية، ثم وضعه داخل جوال وتوجه به على عربة الحصان إلى الخارج، وبعد ذلك ألقى جثمانه داخل الترعة.
واختتمت: حط أخويا جوا الشوال وربطه بحبل وحجر تقيل عشان لما يرميه في الترعة يغرق في المياه وميطلعش.. ولما تغيب عن المنزل كان المتهم ماشي يدور عليه معانا.. ولكن ربنا ظهر لينا الحق وعرفنا من كاميرات المراقبة إن هو اللي خلص عليه.. ده كان أخويا اللي باقي ليا في الدنيا وبحبه أكتر من عيالي.
