محتاجة عملية بـ80 ألف جنيه.. سائقة تروسيكل بطنطا: مبقتش قادرة أخدم عيالي ونفسي أتعالج | بث مباشر

سجلت جميلة ناصر سعد المقيمة في مدينة طنطا التابعة لمحافظة الغربية قصة كفاح للسعي على كسب الرزق الحلال، حيث إنها تعمل على تروسيكل للإنفاق على ابنتيها، وذلك بعد انفصالها عن زوجها، إلا أن حالتها الصحية تدهورت مؤخرًا ولم تستطع ممارسة حياتها بشكل طبيعي.

معاناة سائقة تروسيكل في طنطا مع المرض

وقالت جميلة إنها انفصلت عن زوجها وأصبحت مسؤولة بمفردها عن تربية ابنتيها والإنفاق عليهما، مشيرة إلى أنها لا يمكنها أن تأكل أو تشرب بشكل طبيعي بسبب معاناتها من مرض بالقولون.

وأضافت: أنا تعبانة ومش قادرة أروح للدكتور عشان أكشف وأتعالج.. ولكن الحمد لله ولاد الحلال ساعدوني، وعملت تحاليل، بس للأسف الدكاترة مش عارفين إيه اللي فيا، وساعات بفضل أرجع كتير لدرجة إني برجع دم.

وأشارت جميلة إلى أن هناك أحد الأطباء الذي أخبرها أنها تحتاج لإجراء عملية جراحية تصل تكلفتها إلى نحو 80 ألف جنيه، معقبة: مش عارفة هجيب الفلوس دي منين، وأنا شقيانة وبشتغل عشان عيالي.

وأكملت تصريحاتها: أنا مبقتش قادرة أقوم من على السرير ولا عارفة أخدم عيالي، وبنتي اللي عندها 10 سنين هي اللي شايلة الحمل، وبتساعدني وتعبانة معايا وهي لسه صغيرة.

وأوضحت أنها لا تريد سوى العلاج على يد دكتور جهاز هضمي يمكنه أن يشخص حالتها بالتحديد، معقبة: أنا مبعرفش أنام ومش عايزة غير أني أتعالج صح.. وخلاص أنا عايشة في مأساة ونفسي أبقى كويسة.