الثلاثاء 28 مايو 2024
المشرف العام
محمود المملوك
رئيس التحرير
مروان قراعة
المشرف العام
محمود المملوك
رئيس التحرير
مروان قراعة

مالك سيارة واقعة فتاة التجمع: السائق محترم ومالوش في سكة الستات.. والبنت شدت السماعة من ودنه وعصبته | بث مباشر

ادعت فتاة تدعى نبيلة عوض أنها تعرضت إلى محاولة اختطاف وتعدي جنسي على يد سائق أوبر، وذلك خلال قيامه بتوصيلها من منطقة التجمع الخامس إلى الشيخ زايد، إلا أنها قاومته ودافعت عن نفسها فتعدى عليها بكاتر وأصابها بجروح في يدها.

اتهام سائق أوبر بمحاولة خطف فتاة التجمع

وقال أحمد شعبان، مالك السيارة التي يعمل عليها سائق أوبر، إن تعامله مع المتهم بدأ منذ 3 سنوات، حيث لم يلاحظ عليه خلال هذه المدة ارتكابه أي خطأ أو سلوك غير مضبوط.

وتابع: حسين بيتعامل معايا بقاله 3 سنين وعمري ما شوفت منه أي غلطة ولا أي ضرر.. وطول عمري بتعامل معاه على إنه شخص محترم ومالوش في سكة الستات دي ومصدقش إن يحاول يغتصب بنت زي ما بيقولوا لأنه مالوش في أي حاجة.. وغير كده هو خاطب وعلى وش جواز.

وأضاف أحمد شعبان أنه على ثقة تامة بسائق أوبر المتهم، حيث أنه يتعامل معه منذ 3 سنوات ويعطيه سيارات بالإيجار للعمل من خلالها، وخلال هذه المدة لم يتلقى أي شكوى تتعلق به.

واستكمل: عمر ما جالي أي شكوى من حسين وفيه ثقة بيني وبينه وبديله العربية من غير عقد.. وده لأني عارف أنه مالوش في السكة الشمال ولا بتاع لعب.. وحسين عنده ضعف سمع ومركب سماعة في ودنه ولما بتقع منه بيتعصب.. والبنت شدت منه السماعة عشان كده هو اتضايق ومعرفش يتعامل معاها لأنه كان فكر إنها بتشتمه.