والد اللاعبة شهد سعيد: بنتي مظلومة والموهوبين بيحصل معاهم كدا.. ومتأكدين مش هيتم استبعادها| بث مباشر

قال والد شهد سعيد، لاعبة منتخب مصر للدراجات، من محافظة الفيوم، إنه رأى مقطع الفيديو وإن الواقعة لم تكن مقصودة، ولم تكن ابنته تقصد إصابة أو دفع زميلتها جنة.

وأضاف والد شهد سعيد، أن ابنته لاعبة دولية وأنها موهوبة، مضيفا: والدتها حالتها النفسية سيئة بسبب اللي بيتقال على السوشيال ميديا، ولو عارف إن بنتي ممكن تكون عملت كدا عن قصد كنت قعدتها وبعتت جبتها رغم مشاركتها في الأولمبياد.

والد شهد سعيد: اللي بيتقال على السوشيال ميديا مأثر علينا نفسيا

وواصل والد شهد سعيد: اللي بيتقال على السوشيال ميديا مأثر علينا نفسيا، وبقالنا أسبوع مش عارفين نشتغل ولا نعمل حاجة.. ولي بنتي تعمل حاجة زي كدا، هما زمايل وبينهم عيش وملح.. وإحنا أسرة بسيطة وأنا شغال فني تبريد تكييف.

واستكمل والد اللاعبة شهد سعيد: اللي بيتقال على السوشيال ميديا مأثر علينا نفسيا وبقالنا أسبوع مش عارفين نشتغل ولا نعمل حاجة، بنتي دايما بتكلمني وبنصحها إنها تصلي وربنا هيطلعها من الموضوع دا، وبقولها دايما كلي واتمرني وإن شاء الله هتمثلي اسم بلدك وتحققي ميدالية وتتكرمي من الرئيس السيسي.

واختتم: بنتي مظلومة والموهوبين دايما بيحصل معاهم كدا، وأنا واثق من بنتي وهي بقالها 3 سنين، وعمر الكباتن ما جابوا سيرتها إلا بالخير، والموضوع خد أكبر من حجمه ومكانش في داعي إن جنة تروح تعمل محضر لكن إحنا مسامحينها، وإحنا على يقين إن شهد مش هيتم استبعادها من الأولمبياد وهتسافر والرئيس السيسي هيكرمها.