أهالي الإسماعيلية يحتفلون بفوز سارة سمير بفضية الأولمبياد.. وأسرتها: لازم تتدرس في المناهج | بث مباشر

خرج المئات من أهالي محافظة الإسماعيلية، قبل قليل، للاحتفال أمام منزل بطلة رفع الأثقال سارة سمير، بعد حصولها على ميدالية فضية تاريخية، في منافسات رفع الأثقال وزن 81 كجم، بـ أولمبياد باريس 2024.

احتفال أهالي الإسماعيلية بفوز بطلة رفع الأثقال سارة سمير 

وشارك أهالي محافظة الإسماعيلية، أسرة البطلة سارة سمير، فوزها وحصولها على ميدالية فضية بـ أولمبياد باريس 2024، بالرقص والعزف على المزمار والطبول.

شقيق سارة سمير: ألف مبروك ليها ولمصر

وأعرب شقيق البطلة سارة سمير، عن سعادته بحصول شقيقته على ميدالية فضية في منافسات أولمبياد باريس، حيث قال: كان حصلها إصابات كتير بس هي الحمد لله بتقدر تتخطى ده، وألف مبروك ليها وألف مبروك لمصر، ودي مش أول ولا آخر مرة، ودايما بتفرحنا.

وأضاف: الفرحة مش فرحة سارة بس دي فرحة كل الأهالي، وكلهم كانوا متابعين سارة قلبًا وقالبًا، والحمد لله هي كانت قد الثقة دي، وقدرت تفرح الناس كلها.

خال سارة: لزم  تتدرس في مناهج الطلاب

وقال خال البطلة سارة سمير: مفروض سارة تتدرس في المناهج، علشان تكون قدوة للطلاب الصغار، عشان يتعلموا ازاي يكون عندهم إصرار وقوة عزيمة، لأن الصعوبات التي تعرضت لها تخلي أي رياضي في العالم يبطل، لكنها تغلبت عليهم.