الفنان أحمد جوهر عن واقعة مستشفى عين شمس: محمد فؤاد اتظلم.. والطبيب بصله من فوق لتحت وقال هاتوا الأمن | بث مباشر
كشف الفنان أحمد جوهر تفاصيل جديدة عن واقعة الفنان محمد فؤاد والاعتداء على طبيب بمستشفى عين شمس التخصصي.
وقال الفنان أحمد جوهر: محمد فؤاد ملحقش يكلم الدكتور، دا لسه بيقول أنت لسه حضرتك باين إنك صاحي من النوم وكدا، فراح الدكتور باصصله بصه من فوق لتحت فيها ازدراء كدا.. ومحمد فؤاد بيقوله أنت بتبصلي كدا لي؟!
وتابع الفنان أحمد جوهر: اعذروا محمد فؤاد هو راجل مريض وتعبان، وأي حد مكانه حد بيبصله بصه وحشة كدا كان هيعمل اللي عمله محمد فؤاد.. وموضوع مرض أخوه جه فجأة، محمد فؤاد قام جري لبس جزمته وجري بهدوم البيت، وكان لابس طاقيته عادي في البيت وإحنا قاعدين، يعني ملبسهاش علشان يتخفى من حد.
وأضاف الفنان أحمد جوهر: محمد فؤاد لسه بيكلم الدكتور لقاه طلع فيه فين الأمن؟ هاتوا الأمن واطردوا الناس دي كلها بره، ومحمد قاله أخويا أصلا عيان وبيموت مني، ومحمد فؤاد أصلا عيان هو كمان.. حسينا إن إحنا بيتعمل علينا فيلم وبنتصور.
واستكمل أحمد جوهر: بعد ما مشينا من المستشفى محمد فؤاد معملش محضر ولا حاجة، إحنا كان كل تفكيرنا في حالة عبد العزيز أخوه، والموضوع اتنسى ولا كان في بالنا.. ومحمد فؤاد اتظلم.
