خلال تكريمه.. أحمد عز يرثي منتجي سينرجي الأربعة في حفل توزيع جوائز دير جيست| بث مباشر

حصد الفنان أحمد عز جائزة الأفضل في السينما عن فيلم ولاد رزق 3، التي تصدر شباك التذاكر من طرحة في السينمات، كما اعتلى قائمة الأفلام الأعلى إيرادات في تاريخ السينما، وذلك خلال حفل دير جيست للدورة 21.

وحرص الفنان أحمد عز، خلال تكريمه على نعي منتجي شركة سينرجي الأربعة والذين توفوا في حادث سيارة أليم، موجها الشكر لهم قائلا: أشكر أصحاب الفضل اللي كان ليهم فضل علينا ومينفعش نحتفل وننساهم.

تكريم أحمد عز بحفل دير جيست

وقال أحمد عز خلال استلام الجائزة: بشكركم جدا جدا وبتشرف إني موجود معاكم النهاردة ومتشكر على التكريم الجميل دا.. واستأذنكم قبل ما ابتدي أشكر أصحاب الفضل اللي كان ليهم فضل علينا ومينفعش نحتفل وننساهم.. مينفعش ننسى زمايلنا اللي توفوا في حادثة العربية منتجين سينرجي وهما كانوا أصحاب فضل.

وواصل: في رأي النجاح هي الاستمرارية مش بس إنك تنجح سنة أو سنتين.. ودا اللي أنا بتمناه من ربنا.. والحقيقة حابب أشكر صديقي من زمان ماجد حسني اللي أصر يعمل الاحتفالية دي.. وبقاله 21 سنة بيعملها.. يارب العمر كله.

واختتم حديث قائلا: حابب أوجه الشكر بعد ربنا.. لكل الزملاء من فنانيين وفنانات واللي ورا الكاميرا.. هما السبب في النجاح وفي وجودي النهاردة وهما أصحاب فضل.