دفاع صلاح التيجاني: الضحية مصابة بهلاوس ومريضة نفسيا.. والشيخ كان بيطبطب عليها زي بنته | فيديو
قال المحامي محمد عبد الله، دفاع الشيخ صلاح التيجاني، إن قضية التحرش التي يواجهها الشيخ التيجاني هي مجرد تلفيق، وأن تلك الاتهامات باطلة.
قضية صلاح التيجاني
وتابع محامي الشيخ صلاح التيجاني: كل أسرة البنت خديجة كانت بتيجي الزاوية عند الشيخ، والدكتور خالد والد البنت طلب من الشيخ إنه يخطب بنته لابن الشيخ الدكتور إبراهيم.
وأضاف محامي الشيخ صلاح التيجاني: البنت خديجة كانت بتحكي للشيخ مشاكلها النفسية، وأد إيه أبوها كان بيعذبها، والشيخ كان بيطبطب عليها كبنته يعني.. ووالدتها جت في التحقيقات قدمت شهادات طبية تثبت إن البنت عندها تفكير في عالم موازي وعندها هلاوس ومريضة نفسيا.
وذكر محامي الشيخ صلاح التيجاني: ابن الشيخ كان في أمريكا ولما والد البنت كلمه علشان يخطب بنته، طلب منه إنها ترسل له صور علشان يرسلها لابنه يشوف البنت، ولكن لما حصل تواصل بينهم والبنت بدأت تحكيله عن مشاكلها النفسية، ابن الشيخ اعتذر عن الارتباط بالبنت.
واستكمل محامي الشيخ التيجاني: ربنا يكون في عون الشيخ هو في محنة جامدة وربنا هينجيه منها إن شاء الله.. والشيخ عنده 100 كتاب مألفهم في الفقه والتفسير والأحاديث، ومعاه أسانيد من كل المشايخ.
