ولادنا ودعونا قبل ما يمشوا.. أهل ضحايا حادث معدية أبو غالب: اللي حصل بسبب إهمال السائق ولازم يتحاسب | بث مباشر
قالت والدة إحدى ضحايا معدية أبو غالب، إن السائق حمّل أكثر من الحمولة المطلوبة، مضيفة: لو كنا نعرف إنه بيحمل الحمولة دي مكناش ركبنا عيالنا معاه.
وتابعت والدة إحدى ضحايا معدية أبو غالب: السواق مهمل ولازم يتحاسب، وهو منزلش ينقذ البنات ولا حاجة، لأنه لو نزل وطلع كان ولادنا طلعوا.
وأضاف أهل ضحايا معدية أبو غالب أن البنات اللاتي تم إنقاذهن لم يتكلمن بشأن المعاكسة، موضحة: محدش من البنات قالوا إنهم اتعرضوا لمعاكسة، وبعدين أي واحدة راكبة عربية معرضة إنها تتعرض لمعاكسة، ودا مش سبب إن السواق يسيب العربية وينزل.. ولو عايز ينزل كان يوقف العربية ويسيب البنات في أمان وبعدين ينزل.
واستكملت والدة إحدى ضحايا معدية أبو غالب: بنتي راحت يومين اتنين وثالث يوم لها كان اللي ماتت فيه.. ويومها كنت بقولها بلاش يا وفاء بلاش النهاردة، قالتلي يا ماما آخر يوم النهارده وهي اللي صممت تروح.. وكل أولادنا ودعونا قبل ما يمشوا كأنهم حاسين إنه آخر يوم لهم.
