حريق يلتهم شونة قش أرز في الدقهلية.. ومالكها: خسرت 6 ملايين جنيه وبيتي اتخرب | بث مباشر
شهدت محافظة الدقهلية واقعة مأساوية ومحزنة، حيث نشب حريق في شونة قش أرز تبلغ مساحتها فدان ونصف على طريق دكرنس - عزبة بركة السبع في دائرة مركز دكرنس، ما أسفر ذلك عن تكبد صاحبها خسائر تقدر بـ 6 ملايين و200 ألف جنيه.
حريق شونة قش أرز في الدقهلية
وقال رضا البيومي صاحب الشونة، إن الكمية التي كانت موجودة داخل الشونة وقت نشوب الحريق بلغت 2300 طن، لافتًا إلى أن النيران التهمتهم بالكامل ما تسبب ذلك في تكبده خسائر فادحة.
وواصل: النار أكلت كل الكمية اللي كانت موجودة في الشونة وده خراب كبير عليا.. وأنا بتهم جاري اللي واخد أرض جنبي إن هو السبب في الحريق ده لأنه رش الأرض بتاعتي بالبنزين وولع فيها.
وأضاف صاحب الشونة، أن النيران التهمت الكمية المذكورة من قش الأرز خلال نصف ساعة فقط، لافتًا إلى أنه هناك خلافات سابقة بينه وبين جاره الذي يتهمه بالتسبب في إشعال الحريق.
واختتم: فيه مشاكل بيني وبين جاري والسنة اللي فاتت ولع بردوا في الشونة بتاعتي وعملت محضر بالواقعة.. وهو توعد ليا بالموضوع ده من السنة اللي فاتت وخسرت 6 ملايين جنيه وبيتي اتخرب.
