أحمد مراد عن تقديم سيرة الأنبياء في عمل فني: تحدي مش سهل وهنواجه جمهور بيكره السينما| بث مباشر
قال السيناريست أحمد مراد إنه يتمنى أن يقدم سيرة الأنبياء في عمل فني، لافتًا إلى أنه بالفعل كتب شخصية نبي الله موسى في أرض الإله، إلا أنه من الصعب أن يتقبل الجمهور هذه النوعية من الأعمال.
أحمد مراد يتحدث عن أمنيته في تقديم سيرة الأنبياء
وأضاف أحمد مراد: فيلم الست عن أم كلثوم زعل الناس أوي.. وبالتالي صعب نعمل سيرة الأنبياء.. العمل لو كله قائم على شخصية نبي من الأنبياء هنواجه مجتمع معندوش سماحة يتفرج ويكره السينما والناس اللي شغالة فيها وإزاي نطلع أنبياء في أعمال.
وأضاف: صعوبة تقديم سيرة الأنبياء هي من ناحية القبول والتقنية.. التحدي مش سهل وأستاذ نجيب محفوظ ضربوه بالسكينة لما فكر يعمل كده.
ومن ناحية أخرى، أعرب السيناريست أحمد مراد عن سعادته باختياره رئيس لجنة تحكيم مسابقة الأفلام القصيرة في مهرجان الأقصر للسينما الإفريقية، بالإضافة إلى حديثه عن كيفية وضعه خطط لمؤلفاته.
وقال أحمد مراد: أنا مش حاطط أحلام خالص.. أنا دايمًا بقول أنا اللي بحب أدور عليه ببدأ فيه على طول لغاية ما أحس إن مش هو ده.. أنا ببص تحت رجلي تمامًا وبقول دايمًا ممكن كل عمل يكون مشروع آخر مشروع ممكن أكون زهقت بعده.. ودايمًا بتيجي أفكار كتيرة ولكن بيحكمها حسابات كتير أوي.
