طردوني من الشغل ورفضوا يقبضوني.. استغاثة عامل دليفري: محتاج تغيير مفصل بـ 300 ألف جنيه| بث مباشر
استغاث عامل دليفري من محافظة الجيزة، بعد تعرضه لحادث خلال عمله، أدى إلى إصابته بعجز في قدمه وإجرائه أكثر من 12 عملية، وبسبب ذلك استغنوا عنه في عمله ورفضوا إعطائه راتبه.
استغاثة عامل دليفري بالجيزة: عملت 12 عملية ومحتاج تغيير مفصل بـ300 ألف جنيه
وقال أحمد طارق، 30 عاما، إنه خلال توصيله أوردر دهسته سيارة وتركته قائدتها وهربت، وإنه أجرى 12 عملية ويحتاج إلى عملية تغيير مفصل بـ 300 ألف جنيه لكنه لا يمتلك تكاليفها، مضيفا: صرفت على العمليات أكتر من 800 ألف جنيه ومبقاش حيلتي حاجة، وبعت اللي ورايا واللي قدامي علشان أقدر أمشي على رجلي تاني.
وتابع عامل الدليفري أنه أب لولد وبنت، وأن كل ما يريده هو حقه من الشركة، مضيفا: تحويشة عمري كلها صرفتها، وسالف فلوس من صحابي ومن قرايبي، ونفسي حد يساعدني.
وأضاف الشاب أحمد أنه لا يستطيع السير على قدمه ولا العمل وحمل أي شيء ثقيل، مضيفا: أصعب لحظة لما ولادي بيطلبوا مني أحملهم ومش بقدر.