بسمة وهبة: استخرت ربنا في نصف شعبان علشان أعمل العرافة.. وشيخ الحارة هيوحشنا| بث مباشر

كشفت الإعلامية بسمة وهبة تفاصيل برنامج العرافة الذي تشارك به في السباق الرمضاني المقبل 2025، عقب نشرها عبر حسابها على موقع تبادل الصور والفيديوهات إنستجرام برومو البرنامج قائلة: العرافة بسمة وهبة.

بسمة وهبة: فنان صف ثاني طلب 5 ملايين جنيه للظهور في برنامج العرافة

وقالت بسمة وهبة: مكنتش هعمل برنامج العرافة السنادي وكان عندي أسباب كتير لكده.. منهم موقف حصل مع فنان صف تاني كان نفسي أعمل معاه حوار فطلب مبلغ خيالي 5 مليون جنيه.. فقولتلهم أقسم بالله ما هعمل البرنامج ده.

وأضافت: كل ما حد يسألني عن البرنامج مكنتش برد لأني خدت القرار إني مش هعمله.. وبعدين كم الناس اللي بيسأل ما شاء الله مش طبيعي.. ولقيت دعم كبير من اللي حواليا وقناة النهار والمحور عشان أعمل البرنامج وقولتلهم ادوني مهلة أفكر.

وتابعت بسمة وهبة: أنا استخرت ربنا من ليلة نصف شعبان ولقيت الدنيا ماشية كويس فقولت خلاص أنا هعمل برنامج العرافة السنادي.. رغم إن مافيش وقت أصلًا ومش عارفة هعمل البرنامج امتى بس هعمله إن شاء الله.

واستكملت: الدنيا ماشية حلو الحمد لله وحضرنا أسماء النجوم اللي هيكونوا معايا في العرافة وهيبقى فيه مفاجأة.. والجديد السنادي مافيش شيخ الحارة هيوحشنا لأني اتخانقت معاه عشان زعل ناس كتير.. وفيه برومو هينزل وأنا بقتله فيه وعابر سبيل هيكون بديل شيخ الحارة.