زمايلي ضيعوا حقي.. ضحية هجوم النمر بعد خروجه من المستشفى: فلوس الدنيا مش هتعوضني عن دراعي| بث مباشر
كشف الشاب محمد البسطويسي، ضحية هجوم النمر في سيرك طنطا، تفاصيل حالته الصحية عقب خروجه من المستشفى، إثر بتر ذراعه في الحادث الذي أثار حالة كبيرة في من الجدل في الفترة الأخيرة.
ضحية هجوم النمر يكشف تطورات حالته الصحية
وقال ضحية هجوم النمر، إن حالته الصحية تأثرت كثيرًا بعد تعرضه إلى بتر ذراعه، لافتًا إلى أنه يشعر وكأنه أصبح رجلًا عجوزًا ولم يعد باستطاعته أن يمارس حياته بشكل طبيعي مثلما كان يفعل من قبل.
وأردف: حاسس إني بقيت عجوز وعاجز في نفس الوقت، الناس بيفتروا عليا وبيقولوا إني بلم فلوس وكفاية كده، بقول لهم خدوا الفلوس وكل حاجة بس هاتوا دراعي تاني، الدنيا دي كلها مش هتعوضني عن دراعي اللي راح، لو هاخد ملايين الدنيا كلها مش هيكفوني عن دراعي.
وأضاف ضحية هجوم النمر أن زملائه الذين كانوا يعملون معه في السيرك شهدوا ضده في التحقيقات، مما أدى ذلك إلى إصابته بصدمة كبيرة.
واستكمل: زمايلي اللي قالوا لي مش هنسيبك هما اللي ضيعوا حقي، شهدوا عليا وباعوني ومكنتش متوقع يعملوا فيا كده، وبقولهم حسبي الله ونعم الوكيل فيكوا.
وأوضح ضحية هجوم النمر أن أصعب لحظة مرت عليه عندما استيقظ من النوم بالمستشفى ولم يجد ذراعه بجانبه، مختتمًا: فيه ناس وعدوني بتركيب طرف صناعي بس موفوش بوعودهم، خدوا التريند والفلوس وكل حاجة بس رجعوا دراعي تاني.
