هاخد حقي بالقانون.. زينة تكشف تفاصيل إصابة نجلها بعقر كلب في الشيخ زايد | بث مباشر
تحدثت الفنانة زينة عن تفاصيل تعرض نجلها إلى عقر كلب، وجاء ذلك خلال لعبة كرة القدم داخل إحدى الكمبوندات الشهيرة في منطقة الشيخ زايد.
تفاصيل إصابة نجل الفنانة زينة بعقر كلب
وقالت الفنانة زينة خلال تصريحات تليفزيونية في برنامج الحكاية، مع الإعلامي عمرو أديب: امبارح نزلت ولادي عند ملعب جنب البيت وهو خاص بالكمبوند وروحت السوبر ماركت، وبعدها جالي تليفون ابني بيعيط وبيقول لي الحقيني يا ماما فيه كلب واحد سايبه علينا وهيموتنا.
وأضافت: الواحد ده دخل الملعب وقاله عايز ألعب ابني قاله لا ده حجزنا، لو عايز تيجي تلعب معانا تعالى، الولد قاله لا وهعرف أخرجك إزاي، وجابله الكلب وكان بيجري وراه بيه.
واستكملت الفنانة زينة: ابني جري من الكلب وهو بيجري وقع ورجله اتعورت، وابني التاني عشان عنده كلب وعارف النظام وكلب خربشه في رجله، قولت للولد انت ابن مين، العيب مش عليك أنا هتكلم مع مامتك اللي سابتك تخرج مع كلب كبير زي ده.
وواصلت زينة: الولد دخل البيت ومامته طلعت بتزعق وبتقولي انتي بتشتمي ابني، قولت لها أنا جاية لحد عندك وبقولك متخرجيش الولد بالكلب تاني وخدت بعضي ومشيت، وقولت لها أنا هعرف آخد حقي بالقانون، أنا مش هستنى لما عيل من عيالي يموت بسبب الكلب.
