صديق إبراهيم شيكا المقرب يرد على والدته: مات مديون وكان بيفتح لايف يطلب فلوس علاجه | بث مباشر
كشف محمد الصديق المقرب من إبراهيم شيكا، لاعب الزمالك المتوفى، تفاصيل جديدة بعد اتهام أسرة اللاعب له بسرقة أموال شيكا قبل وفاته وتزوير بصمته الخاصة والاستيلاء على أمواله وهاتفه المحمول.
وقال صديق إبراهيم شيكا إن اللاعب قبل وفاته أهداه هاتف محمول، لكن بعد وفاته باع هذا الهاتف ورد المبلغ المالي لـ هبة زوجة إبراهيم شيكا، مؤكدا أنها على علم بكل تلك الأمور.
صديق إبراهيم شيكا المقرب يرد على والدته
وأضاف صديق إبراهيم شيكا المقرب: شيكا فضل تعبان سنة و8 شهور، وخلال الفترة دي كلها مشوفتش غير هبة زوجته هي اللي واقفه جنبه وبتسانده.. وشيكا محيلتوش حاجة علشان يورّثها، حتى الشقة اللي عايش فيها ولاده لسه عليها أقساط.
ونفى صديق إبراهيم شيكا ما صرحت به والدته من أنه يملك شقتين وسيارة، مضيفا: أنا كنت شيكا ليل نهار ومفيش أي حاجة من الكلام دا.. شيكا كان بيطلع لايف ويطلب من الناس تبرعات علشان يعمل جلسة الكيماوي بتاعه ومات مديون.
