أبوها تخلى عنها وتركها في الشارع.. منى صعيدية بـ 100 راجل تقود توك توك من أجل لقمة العيش في قنا| بث مباشر
تقود منى، مركبة توك توك داخل شوارع محافظة قنا، بعدما تم تقديمه لها من عدد من الأشخاص هناك ليكون مصدر دخل ثابت لها، بجانب عملها في مجال تقليم أشجار النخيل.
منى تقود مركبة توك توك داخل شوارع محافظة قنا
وروت منى تفاصيل كفاحها، قائلة: قبل ما ناس تجيبلي التوك توك اشتغلت في كل حاجة واستحملنا كتير.. وفي البداية مكنتش بعرف أسوق والتوك توك اتقلب بيا في الأول.
وأضافت: أبويا ساب أمي ومعاها أنا وأخواتي وكنا صغيرين وهي اشتغلت وكبرتنا.. وأنا شغلي الأساسي بيكون في النخيل وتقليمه وجمع البلح.. وبشتغل خلال موسم الحصاد وبطلع النخلة.. وباقي السنة على التوك توك.
وتابعت: الشغل في النخيل متعب وصعب خاصة في طلوع النخل.. وبشكر كل الناس اللي اشترت لي التوك توك ووفرته ليا.
