الجمعة 29 مارس 2024
المشرف العام
محمود المملوك
رئيس التحرير
مروان قراعة
المشرف العام
محمود المملوك
رئيس التحرير
مروان قراعة

بث مباشر | منى أبو شنب تواصل الهجوم على أسرة نيرة أشرف: مش متعاطفة معاهم والواد غلبان | فيديو

هاجمت الإعلامية منى أبو شنب، أسرة نيرة أشرف بعد حديثهم عنها في آخر لقاء إعلامي لهم، بأنها تسئ لسمعة ابنتهم، وتشن حملة لجمع تبرعات كـ دية لعدم تنفيذ الإعدام في الجاني، حيث قالت منى أبو شنب: "طلع أتشتم بأقذر الشتايم لمجرد إن أنا بس قولت الواد غلبان؟ هو أنا لوحدي اللي قولت الواد غلبان؟ مصر كلها قالت الواد غلبان والوطن العربي كله.

رد منى أبو شنب على تصريحات أسرة نيرة أشرف

 

وقالت منى أبو شنب: لما جيت عملت الحلقات بتاعتي أول كلمة قولتها الله يرحمها نيرة ويحسن إليها، والبنت كانت ضحية والبنت غلبانة على فكرة، وقولت إن المنظر بشع.. وإن محمد لا ينفي حتى لو الناس تعاطفت معاه.. فهو قاتل والمحكمة قالت كلمتها.

منى أبو شنب تواصل هجومها على أسرة نيرة أشرف

وهاجمت منى أبو شنب والدة نيرة أشرف، والتي كانت صرحت بأنها لا تعلم بأمر التعويض، حيث قالت الإعلامية: وبعدين الست هانم أم نيرة.. طلعت قالت أصل إحنا ما كناش نعرف والمحامي بيقول.. هو المحامي ده بيقول من وراكوا؟ أنا ما بفهمش في القانون.. أنا لاقيت مكتوب تعويض قولت يا جماعة الناس أهل محمد غلابة معهمش يدفعوا مليون جنيه.. هيجيبوا المليون جنيه منين؟

وعلى الرغم من كون محمد عادل الجاني في تلك القضية، إلا أن الإعلامية منى أبو شنب ترى أنه يجب التعاطف معه وليس مع أهل الضحية، حيث قالت: لازم طول الوقت أبقى متعاطفة مع الأهل؟ لا أنا مش متعاطفة مع أهل نيرة.. أنا متعاطفة مع البنت نفسها.

وترى أبو شنب أنه لا بد من وجود أسباب دفعت محمد عادل لقتل نيرة أشرف، وتابعت: ربنا ينتقم مني على إيه؟ علشان إيه؟ علشان قولت إيه؟ علشان قولت إن العيلين ضحايا؟ علشان قولت إن الواد ده كمان كان ضحية، وإيه اللي يوصل واحد متفوق الأول على دفعته، واد محترم، كل الناس شهدتله أساتذته.. جيرانه.. زمايله، كل الناس شهدتله إنه مؤدب ومحترم ومالوش حس، ايه اللي يخلي الواحد يتحول بالطريقه ديه وبالمنظر ده؟.

واعترضت منى أبو شنب على أن الجميع يطالبها بألا تدافع عن القاتل، وقالت: لاء عمري ما هقول الكلام ده.. لأي سبب من الأسباب والبنت كانت ضحيتكوا والواد ضحيتكوا.

منى أبو شنب توجه نصيحة للآباء والأمهات

وفي النهاية وجهت منى أبو شنب نصيحة للآباء والأمهات من أجل ما نشهده تلك الأيام، حيث قالت: خدوا بالكوا من والدكم.. وخدوا بالكم إن إحنا بعيد عن ربنا أوي، المسافة بعدت خالص.. المسافة بقت آخر حاجة، ما بقاش في قرب من الله إلا من رحم ربي.