قصة كفاح بائع تسالي على شاطئ بورسعيد: بلف على رجلي 15 ساعة عشان أكسب بالحلال | بث مباشر

قصة كفاح بطلها شاب يدعى عوض محمد فتوح، مقيم في محافظة كفر الشيخ، ولكنه اتجه إلى محافظة بورسعيد منذ 12 عامًا من أجل البحث عن فرصة عمل يجني من خلالها رزقا حلالا يستطيع أن يتكفل من خلاله بمصاريفه ومتطلبات أسرته.

قصة كفاح بائع تسالي على شاطئ بورسعيد

وقال الشاب عوض إنه قرر أن يُبيع بعض التسالي مثل اللب والسوداني على عربة يتجول من خلالها شاطئ بورسعيد؛ بحثًا عن الرزق الحلال الذي يستطيع من خلاله أن يتكفل بمصاريفه هو وأسرته.

وتابع: بقالي 12 سنة موجود في بورسعيد عشان لقمة العيش لما كان عندي 15 سنة.. وقررت أعمل مشروع صغير ليا لوحدي عشان أكسب منه.. فضلت 7 سنين خاطب لحد ما ربنا كرمني واتجوزت وخلفت بنتي ريتاج عندها دلوقتي 4 سنين.

وأضاف الشاب عوض، أن الفضل يعود لوالده الذي كان يساعده بشكل كبير في أمور حياته قبل أن يتوفى، لافتًا إلى أنه لم يتلق أي مساعدات من أي شخص وقرر أن يكافح بنفسه.

واختتم: محدش ساعدني في حاجة كله من دراعي.. والحمد لله ربنا كارمني وماشية بالحلال أحسن من الحرام وأحسن من ما أمد إيدي لحد وأقوله إديني.. حسب ما ربنا يوديك بيبعتلك رزقك لحد عندك.. بشتغل في اليوم 15 ساعة وبمشي الشط كله بـ عربة التسالي بتاعتي أكتر من مرة عشان أبيع وأكسب بالحلال.