على طريقة الأفلام.. الفنانة هدى الإتربي تتعرض للنصب من شركة نقل أثاث | بث مباشر

أعلنت الفنانة هدى الأتربي، عبر حسابها الشخصي على موقع التواصل الاجتماعي إنستجرام، تعرضها للنصب على يد شركة متخصصة في نقل الأثاث.

وقالت هدى الإتربي خلال ستوري لها عبر حسابها على إنستجرام: مساء الخير يا جماعة دول نصبوا عليا أنا اتعاملت معاهم بياخدوا الفلوس والعفش على أساس إنهم معرض، والمفروض يسلموا الحاجة بقالهم أكتر من 4 شهور وكل مرة بيديني معاد للتسليم ويقفل تليفون، والمكان بتاع المعرض اللي قال عليه طلع غلط ومش كاتب مكان للمعرض بتاعه على الصفحة اللي بيتعامل منها.

وأضافت هدى الإتربي: كل الصور اللي عنده من صفحات تانية وأنا هاخد إجراء قانوني معاه ياريت أي حد يخلي باله ودي الأرقام اللي بحاول أتواصل بيها واللي الصفحة بعتتهالي أنه ده صاحب المكان كلهم مقفولين.. وأضافت: اكتشفت لما جبت البطاقة بتاعة صاحب المعرض إنه مش مهندس أصلا وأنا اتخذت ضده إجراء قانوني، وبدأ يتفتح تحقيق فى الواقعة، ولما المحامي كلمه أنكر إنه أخد مني فلوس.

والجدير بالذكر أنه في وقت سابق، تلقت الأجهزة الأمنية في مديرية أمن القاهرة، بلاغا من الفنان صبري عبد المنعم أحمد حسين، الذي يبلغ من العمر 78 عاما، يتهم فيه سيدة تدعى نيفين ورجل يدعى عبد المنعم، نصبا عليه في شقة وتم بيعها بمبلغ مالي 36 ألف دولار لصالح شركة مقاولات ملك للمتهمة الأولى.