صاحب مطعم بمسطرد يقدم الطعام مجانًا لمرضى السرطان والقلب: رزق من ربنا ومش بدور على الفلوس | بث مباشر
أطلق صاحب مطعم في منطقة مسطرد التابعة لمحافظة شبرا الخيمة، مبادرة خيرية وإنسانية يقدم من خلالها الطعام بالمجان إلى مرضى السرطان والقلب، دون أن يدفعوا ثمن ما أكلوه، حيث جاء ذلك في إطار رغبته في التخفيف عنهم وتقديم يد العون لهم.
صاحب مطعم يقدم الطعام مجانًا لمرضى السرطان والقلب
وقال عادل صاحب المطعم، إنه عمل في العديد من المطاعم خلال السنوات الماضية، ثم بعد ذلك اتجه للعمل على عربة الطعام الخاصة به في منطقة مسطرد، حتى تحسن أحواله المادية واستطاع أن يفتح مطعم خاص به.
وأضاف أنه يقدم جميع الوجبات بأسعار رمزية من خلال المطعم الخاص به بمسطرد، حيث إنه يحرص على مساعدة أهالي منطقته وتقديم يد العون لهم للتخفيف عنهم.
وتابع: فيه ناس بتبقى محتاجة بس مش قادرة عشان كده أنا عملت مبادرة عشان أساعد بيها أهل منطقتي.. اللي معاه واللي مش معاه هياكل من عندي.. وبالنسبة لـ مرضى السرطان والقلب أنا بوفر ليهم الأكل مجانًا وياخدوا اللي عاوزينه عشان بتاجر مع ربنا.
وأضاف عادل صاحب المطعم، أنه لم يتحمل أي خسائر مالية بسبب تقديمه الطعام بالمجان للمرضى والمحتاجين، مختتمًا: أنا مش بديهم حاجة من عندي ده رزق من عند ربنا.. وعمري ما خسرت حاجة ولا بدور على الفلوس.. دي ماشية من ربنا هو اللي بيرزقني من فضله وكرمه عليا.. وإحنا ما علينا إلا إننا سبب في الدنيا.
