مسنة تشكو جحود نجلها: ربيته وبيهددني بالقتل علشان شقة.. كان بار بيا ومراته هي اللي بتحرضه | بث مباشر

استغاثت فوزية عبد اللطيف البنا، مسنة من مدينة دمنهور في محافظة البحيرة، بسبب جحود نجلها، حيث يهددها بالقتل بسبب شقة.

وقالت الحاجة فوزية، التي تبلغ من العمر 82 عاما، إن نجلها حاول الاعتداء عليها بالضرب، وإنه حاول كسر الباب عليها، مضيفة: كسر عليا الباب وقالي انتي عايشة لي اللي قبلك ماتوا وكله مات، وأنا دلوقتي جاي أخلص عليكي، وأنا معملتلوش حاجة، وقالي كدا بدون سبب.

وتابعت الحاجة فوزية أن نجلها يهددها أن تترك منزلها ليأخذ شقتها، وإلا سيلفق لها العديد من التهم، مضيفة: ضربني في عيني وبالفعل لفق لي تهم، ولكن القضاء نصفني وأخدوا حكم كل واحد 3 شهور سجن.

وأشارت الحاجة فوزية إلى أنه ليس نجلها الوحيد، ولكن جميع أشقائه يخافون منه ولا يقدرون عليه، مضيفة: بعد ما ضربني وعملت له محضر قالي انتي فاكرة أنك هتنفدي مني أنا هفضل وراكي أنتي وأولادك وأحفادك طول العمر لحد ما تسيبي البيت دا لأن مراتي كرهاكي ومش عاوزاكي في البيت.

واستكملت الحاجة فوزية أن تلك المشاكل بدأت بينها وبين نجلها بعد زواجه، مضيفة: كان الابن الوحيد الكويس في ولادي، وكان هو اللي خادمني وبيسمع كلامي، وعمري ما رفضت له طلب، ولكنه بعد زواجه مراته بقيت تحرضه لأنها مش عاوزاني في البيت لا أنا ولا أولادي.