أقدم بائع كنافة بطنطا: مش هرفع الأسعار عشان الغلابة ياكلوا | بث مباشر
اشتهر خالد كأقدم بائع كنافة في مدينة طنطا التابعة لمحافظة الغربية، ويستعد بشكل خاص لاستقبال شهر رمضان المبارك 2024، والذي يعد موسم الكنفاني، ويزداد فيه الإقبال على الشراء.
أقدم بائع كنافة بطنطا يستعد لاستقبال شهر رمضان
وقال عم خالد، إنّه على الرغم من ارتفاع أسعار الدقيق وباقي الخامات الأخرى التي يستخدمها في عمل الكنافة، إلا أنه لن يرفع أسعاره مراعاة لظروف المواطنين في ظل أزمة ارتفاع الأسعار.
وأضاف: الدنيا صعبة شوية بسبب ارتفاع أسعار الدقيق.. ورغم كده أنا متمسك بسعري وبالزبون بتاعي للآخر.. وأنا بقول على نفسي إني بتاع الغلابة.. ومش هرفع أسعاري عشان الغلابة ياكلوا.
ويعمل بائع الكنافة طوال العام، وليس فقط خلال شهر رمضان، مشيرًا إلى أنه هناك أكثر من نوع من الكنافة، لكن كل زبون يشتري النوع المناسب له.
وأوضح أنه يعتبر من أقدم بائعي الكنافة داخل مدينة طنطا في محافظة الغربية، وورث تلك المهنة عن جده ووالده، قائلًا: جدي كان بيشتغل في الكنافة من أيام لما كانت لسه بتتعمل على الفحم ومكنش لسه طلع الماكينات الحديثة اللي بنشتغل بيها دلوقتي.
