شقيقة سائق أتوبيس الجلالة: كان واخد مسكن قوي تسبب في إيجابية تحليل المخدرات| بث مباشر
قالت والدة سائق أتوبيس الجلالة إن نجلها لا يتعاطى المواد المخدرات، وإن إيجابية العينة نتيجة المسكنات التي يتعاطاها.
وتابعت والدة سائق أتوبيس الجلالة: عمره ما خد مخالفة في المرور، وبيشتغل من صغره وبيصرف عليا، وعمره ما اتمسك تحري قبل كده والكل بيشكر في أخلاقه.. وأول ما عرفت بالحادثة سألت على اللي في الأتوبيس قبل ما أسأل على ابني، وربنا يصبر أهاليهم.
وأكد أهالي المنطقة التي يقطن بها سائق الأتوبيس أن معروف بحسن أخلاقه وسمعته، وقالت إحداهن: مصطفى محترم جدا، وإحنا مصدومين من اللي حصل، وعمره ما شرب مخدرات، وعمرنا ما شوفناه غايب عن وعيه.. واللي عمله إنه فادى الطلبة لإنهم كانوا هيقعوا من فوق الجبل، وهو اتفاجأ إن الأتوبيس مفيهوش فرامل، وعلى الرغم من دا كله مرضيش يقول للطلبة علشان ما يخوفهومش.
وقالت شقيقة سائق أتوبيس الجلالة: الدكتور كان واصف له بروفين قوي، وكان واخده قبل الحادثة وعلشان كدا طلعت النتيجة إيجابية.. مصطفى عمل عمل بطولي إنه خلى الأتوبيس ميتقلبش من على الجبل، وهو في حالة صدمة من وقت اللي حصل.. أول ما سألنا كان على اللي في الأتوبيس قبل ابننا، وبدعي لأهل الضحايا ربنا يصبرهم.. ومصطفى مصاب بكدمات وكسر في كتفه اليمين وشبه كسر في الحوض.
