أول تعليق لـ طبيب رفض معالجة مسنة بقنا: كانت حالة طوارئ ومحتاجة مستشفى.. وهرفع قضية تشهير ضد أسرتها| فيديو
كشف الطبيب صاحب واقعة رفض الكشف على مُسنة بـ قنا، تفاصيل جديدة عن الواقعة، قائلا: أهل المريضة قعدوا يشتموا ويقولوا ألفاظ بذيئة وأنا كنت في عيادتي بعمل تليفون، ولما سمعتهم رنيت الجرس وقولتلهم يا إما يسكتوا يا إما يروحوا لطبيب أو مستشفى آخر.
وأضاف طبيب قنا، أن العيادة كانت هادئة ولم يستفزهم أو يشتمهم أحد، مستكملًا: قولتلهم ياخدوا المريضة ويروحوا المستشفى لقيتهم شتموا وسبوا الدين.. أخدت واحد منهم وفهمته وكتبت له جواب تحويل للمستشفى، وقولتلهم ألف سلامة عليها دي حالة مستشفى مش حالة عيادة، وأنا معنديش في العيادة الإمكانيات والأدوات الكافية للحالة.. دي حالة طوارئ مستشفى، وحتى لو طبيب الباطنة حوّلها لكن هي حالة مستشفى أنا مقدرش أعملها حاجة.
ولفت طبيب قنا، إلى أنه يعتزم رفع قضية تشهير على أسرة المسنة، مستكملًا: أنا بقول لأحد أفراد أسرة السيدة روح بها مستشفى بغض النظر عن السب والشتيمة والضرب والتكسير اللي حصل في العيادة، لكنه قالي إحنا مش بتوع مستشفيات.
وتابع: مقصرتش خالص رغم اللي عملوه، وكان ممكن بعد اللي عملوه إني أطلب بوليس النجدة لكن كنت هعطلهم أكتر، فسبتهم علشان يقدروا يلحقوا المريضة بتاعتهم.
