شقيق خالد عبد العال شهيد الشهامة: أخويا عمل موقف فدائي.. وكل اللي فكر فيه إنه ينقذ الناس | بث مباشر

سادت حالة كبيرة من الحزن على أسرة خالد محمد شوقي عبد العال، ابن قرية مبارك المصادرة مركز بني عبيد بمحافظة الدقهلية، والذي انتقل إلى مثواه الأخير اليوم الأحد، بعدما ضحى بحياته لإنقاذ مدينة العاشر من رمضان من كارثة محققة.

وقال شقيق خالد الفقيد إنه ظهر في مقطع الفيديو أن السيارة كانت محملة بالمواد البترولية، مضيفا: أخويا بيبص على الخرطوم لقاه ضرب والبنزين وقع على الأرض، والنار كانت ماسكة في العربية فخدها وجري بها بعيد عن البنزينة والمنطقة اللي مليانة ناس.

وأضاف شقيق الفقيد أنه لم يفكر في نفسه أو أولاده وإنما كل ما فكر فيه هو إنقاذ حياة المواطنين وفداهم بنفسه، مضيفة: عنده 3 بنات وولد، وكان شغال سواق بس ملوش مصدر دخل تاني ولا عندنا أرض ولا أي حاجة.

وأردف شقيق الفقيد: بنطالب المسئولين ينظروا نظرة رحمة وشفقة لأولاده، ويوفروا لهم معيشة كويسة.. النار دخلت من الكابينة ومسكت في جسمه وهو كل اللي في دماغه إنه يفدي الناس والعربيات، ومفكرش في أي حاجة ولا في ابنه اللي فرحه 19 يونيو الحالي.

واستكمل شقيق الفقيد: دا موقف مش جديد عليه؛ لإن له مواقف جدعنة كتيرة مع الكل.. وهو الأخ المقرب ليا.. أنا فخور بأخويا وبقوله ربنا اللي هيخلّد اسمك.