أسرة مسنة رفض طبيب إسعافها بقنا: قال أنا حر مش هكشف عليها وتوفيت بعد ساعة| بث مباشر
كشفت أسرة مسنة رفض طبيب الكشف عليها وإسعافها بـ قنا، وتوفيت بعدها بساعة، تفاصيل الواقعة.
وقال أحمد عطا موسى، أحد أقارب المسنة المتوفاة بقنا، إن طبيب باطنة حوّلهم إلى طبيب الجراحة صاحب الواقعة، لكن الطبيب رفض أن يكشف على الحالة، مضيفا: الناس اللي في العيادة توسلت له كتير علشان يكشف عليها، وقالوله دي ست كبيرة وتعبانة لكنه رفض.
وتابع أحد أقارب المسنة المتوفية بقنا: الطبيب رفض الكشف عليها بحجة إن معاه مكالمة تليفون، ومحصلش أي مشادة وأنا مش هسيب حقها وقدمت شكوى في الدكتور.
واستكمل: الدكتور مكانش عايز يرد ولا يكشف على حد إلا أما يخلص التليفون بتاعه، والحالة كانت تعبانة معانا جدا لكنه فضّل المكالمة بتاعته على إنه يكشف عليها، وبعد ما خلّص مكالمته المرضى دخلوا يتوسلوا له علشان يكشف عليها لكنه رفض.
وأضاف: محدش سبّ الدين وبنقول للدكتور راجع كاميراتك لو ليك حق تاخده ولو لينا حق ناخده.. الدكتور قال دي عيادتي وأنا حر مش هكشف عليها وسابنا وخرج وتوفيت بعد ساعة.
